លោក ទេព នីថា ជាប់ជាអគ្គលេខាធិការ គ.ជ.ប ដដែល
15-January-2016 | ដោយ មួយឡា
ភ្នំពេញ៖ គណៈកម្មាធិការជាតិ រៀបចំការបោះឆ្នោត (គ.ជ.ប) សម្រេចជ្រើសរើសលោក ទេព នីថា ជាអគ្គលេខាធិការ គ.ជ.ប ដដែល និងសម្រេចយកអគ្គលេខាធិការរងចំនួន ៤រូបថ្មីទៀត ដែលក្នុងនោះមានលោក នី ចរិយា មកពីសមាគមអាដហុក (ADHOC) ផងដែរ។ ចំណែកឯអគ្គលេខាធិការរង ៣រូបទៀត រួមមាន លោក សោម សូរីដា ជាមន្ត្រី គ.ជ.ប លោក ម៉ុក ដារ៉ា ជាសាស្ត្រាចារ្យច្បាប់ និងជាជំនួយការច្បាប់របស់អង្គការនិកហ្វិច (NICFEC) លោក ម៉ៅ សុភារិទ្ធ ជាមេធាវី។
ការសម្រេចរបស់ គ.ជ.ប នៅព្រឹកថ្ងៃទី១៥ ខែមករា នេះ បន្ទាប់ពីបើកកិច្ចប្រជុំពិភាក្សាដែលដឹកនាំដោយប្រធាន គ.ជ.ប លោក ស៊ិក ប៊ុនហុក និងមានការចូលរួមពីសមាជិក គ.ជ.ប ទាំង ៩នាក់។
កាលពី ថ្ងៃទី០៦ ខែមករា គ.ជ.ប បានប្រកាសបេក្ខជនតំណែងអគ្គលេខាធិការ និងអគ្គលេខាធិការរង ១៥នាក់។ ក្នុងនោះមានបេក្ខជន ៣នាក់ សម្រាប់ប្រកួតប្រជែងយកតំណែងអគ្គលេខាធិការ គឺមានលោក ទេព នីថា អគ្គលេខាធិការ គ.ជ.ប បច្ចុប្បន្ន និងនាយកអង្គការពុទ្ធសាសនាដើម្បីអភិវឌ្ឍន៍ លោកបណ្ឌិត ហេង មណីចិន្តា ព្រមទាំងនាយកអង្គការខារ៉ាមកម្ពុជា លោក យ៉ា ណាវុធ។ ចំណែកបេក្ខជន ១២នាក់ទៀត សម្រាប់ប្រកួតយកតំណែងអគ្គលេខាធិការរង៕
ប្រភព៖ www.rfa.org
ចំនួនអ្នកទស្សនា
- ថ្ងៃនេះ6141
- ម្សិលមិញ6261
- សប្តាហ៍នេះ24521
- ខែនេះ139671
- ឆ្នាំនេះ139671
- សរុប20582127